ماحولكم وايت للبيع‎

الشايب والوايت



شايب نوى يشتري له وايت علشان يسقي الحلال ,
وذالشايب متقاعد

وشاري له قطيع غنم ..



وفوقها خمسين ناقه , فأخذ يجمع له دراهم لين صار عنده حول
الخمسة وثمانين ألف ريال

فقام و توكل على الله وعزم يروح يدور له وايت. ..



صدفه و هو يمشي ,, يلقى ناس
مجتمعة في أرض فضاء كبيرة
و حولهم وايت واقف.

تعجب الشايب

, قال بس لقيناه
خلني اروح ..

أوصل هناك وأشوف كم هو واصل سومه و إذا هم حادينه اشوف كم هو عليه.



وصل عندهم الشايب ووقف يسمعهم يحرجون ,
وأستانس بالحيل لأنه ماهو غالي.



وإلا ذاك الرجال..

ماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على الوايت ولا هوب بغالي
وإن شاء الله يكون من نصيبي.

وخش معهم بالحراج ,,,56,,,ويزودون...ويزود...ويزودون...ويزود.

المهم وصلوه 75,,,قام خربها وقالهم ,,,80

هو قالهم ,,80,,يوم طخوا كلهم و سكتوا..!..وهجدوا..!!..
والتفتوا عليه!!!



يناظرونه..و يناظرون بعضهم..يوم تغامزوا ونقزله واحد منهم..
وسحبه على جنب

وقاله شف يا رجال أنت باين عليك أبن حلال وطيب بالحيل ,
وش رايك لو نعطيك شيك!!!

بمليون ريال الآآآآن ,,

بس مانشوف وجهك واقف معنا بالحراج .

انصدم الشايب ..أفتر راسه شوي وقال هااااا..
وش السالفة..؟؟؟

مليون ريال ..وليه..؟؟

قال له الرجال (خويهم)
بس خذ هالشيك وتوكل على الله
والله يستر عليك ولالك بالطبخه.



وش اسمك ؟؟.
عطاه أسمه وكتب له الشيك بمليون ريال

وطلع الرجال من الحراج وهو مايدري

وش السالفه!!!.

طيب وش العلم علمني ..؟؟

إلا واحد قال له .
الجماعة يحرجون على المخطط وواقفين بالصدفة جمب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..وابو الشباب (الشايب)
خش عليهم عرض

ولايدري وش العلم.



وهم بعد أخترشوا شوي يحسبونه هامور وبيلطش عليهم المخطط ..
قاموا صرفوه بمليون ريال..

وهو ماصدق. طاير من الفرحه,,مليون,,ويقول بخاطره ..

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك..



******

[grade="ff0000 ff0000 ff0000 ff0000 ff0000"]الله يرزقنا بمخطط بالغلط.

ماحولكم وايت للبيع

هههههههههه....[/grade]

 

 

هههههههههههههه دور عند عثمان ولا عبدالمحسن اخبر معاهم وايت
يعطيك العافيه

 

 

المشاركة الأصلية كتبت بواسطة الشاهين

هههههههههههههه دور عند عثمان ولا عبدالمحسن اخبر معاهم وايت
يعطيك العافيه

خبرك قديييييييييييييم
لكن ابشرك معانا وايت لكن نبغى المليون

 

 

حتى ابي عنده وايت لكن ماهو للبيع

 

 

المشاركة الأصلية كتبت بواسطة سنوحي

حتى ابي عنده وايت لكن ماهو للبيع

ما شاء الله ابوك باقي حي يا جد سنوحي اجل كم عمره الحين ؟

 

 

المشاركة الأصلية كتبت بواسطة حوذان علي عبدالمحسن

ما شاء الله ابوك باقي حي يا جد سنوحي اجل كم عمره الحين ؟

استحلفك بالله تدعي لابوي دعوة فيما لايقل عن عشرة اسطر
ياحوذان

 

 

فيه وايت عند رفيقي أبوبخيت تبغا تشتري

 

 

المشاركة الأصلية كتبت بواسطة سنوحي

استحلفك بالله تدعي لابوي دعوة فيما لايقل عن عشرة اسطر
ياحوذان

الله عشر سطور كثير لكن ابشر

الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه
الله يطول عمره ويزيد رزقه

امين

 

 

المشاركة الأصلية كتبت بواسطة ماجد

فيه وايت عند رفيقي أبوبخيت تبغا تشتري

هلا اخوي ماجد حياك
وينه ابو بخيت هذا لازم نشوف السيارة ونشاور