شبابنا بنات وبناتنا شباب...!

لاحظنا في الفترة الأخيرة إن أغلب البنات صار لهن ولع شديد
بالمباريات فتلاقي البنات بالمدرسه يتهاوشون ويتزاعلون
إذا وحده شتمت بالفريق اللي تحبه الثانيه وبالحاله هذي
صرت إذا قعدت عند مجموعة بنات أحس بعض الأحيان إني
ولد من كثر ما يتكلمون عن المباريات والعجيب إن بعض البنات
يتأثرن بشكل كبير بالأولاد في حركاته وألفاظه حتى طريقة
مشيتها ونطقها للألفاظ تحسينها ولاديه والسؤال اللي دايما
يدور في بالي ليش البنات يحبون الكرة ؟..
طيب ما قلنا شي حبي الكوره لكن بشكل انثوي خلي اللي
يشوفونك يحسون إنك أنثى مو كأن اللي واقفة قدامهم ولد..!
لا والأدهى من هالشي إنه بعض الشباب صاير يهتم بالمكياج...!
فتلاقي الشاب يهتم بالمظهر يعني بملابسه ويطول شعره لحد
كتوفه أو يمكن أطول بعد لا وكل يوم يستشورة وإذا يبي يروح
مناسبه مهمه مثل حفل زفاف أو مناسبه تهمه هو بشكل عام
تلاقيه يروح الصالون ويعمل تقشير للبشرة يعني يحط
قناع وبعدين يسوي تدليك لوجهه وبعدين يرطبه بكريم
وبعدين يحط مكياج ويلبس ملابس تليق بالمناسبه يعني
إذا شباب يلبس بنطلون إذا شياب يلبس ثوب هذا إذا حضر من الأساس ...
وبالحاله هذي وبكل صراحه
صاروا شبابنا بنات وبناتنا شباب...

 

 

الله يلطف بالحال