استوينا من زمان

أستوينا من زمان
الهموم إللي في صدرك هاتها
أستوينا من زمان
لاتخاف!
هات .. عذرك هات .. غدرك
هات .. جرحك
وهذا ظهري
والا أقولك !
هذا صدري
هات ..
رمحك ولاتخاف..عندي كل إللي تبيه
كل مانفسك .. تحبه، وتشتهيه !
بعد عندي :
عندي قلب من كثر ماهو تجرح
صار يفرح بـ الجديد من الجِراح
آنا قادر ماني عاجز
يعني حيل مستمتع بحالي
وعندي كل المر حالي !
آنا قادر ماني راقد !
قادر .. أتصالح مع نفسي وأحب
قادر .. أمشي لك .. وأجيلك حتى
لو دربك صعب !
وأفرش إضلوعي بدالا لبرد :
ورد ..
قادر أبكي عنك
وأحزن عنكْ
وأسهرعنك
بس وين .. ذاك إلي .. إذا قلت له :
يـ ااااااااااااافلان.
قال سم