تغيرتي بعد الفلوس والقصور يابنت ..!!

تغيرتي بعد الفلوس والقصور يابنت ..!!



نايف العليان

قصيدته جميلة .. وتحكي معاناة كثيرين
وبأسلوب تقليدي جزل وبشعبية فقدناها كثيرا
وعنوانها
اليوم كمّل عام ما كلمتني
نتركم معها
.
.

قالت بروح وراجعة بعد شهريـن
قبـل تنـوع الطائـرة هاتفتنـي
تسكب مدامعها من القهر والبين
في بحة الصوت الحزين افجعتني
قلت الله يوفقك ياباهـي الزيـن
وفي قطعة الخط اللئيم أقهرتنـي
راحت وأنا مقهور واصفق بكفين
ياحيف قبل تـروح ماشاورتنـي
احسب لها والناس بالنوم غافين
اليـوم كمـل عـام ماكلمتنـي
من بعد ماعاشت معيشة سلاطين
أفنت مفاهيـم الغـرام ونستنـي
تعيش غفوة عمر مابين نهريـن
ياعنك لو ضاق الصدر مابكتنـي
القصر فاره والمضايف مياديـن
لو جيتها بعد الرقي مااعرفتنـي
خدام لرضاها تفانـوا مطيعيـن
في ظرف ساعة لو تبي ورطتني
تقرا بدال اشعار نايف دواويـن
من كثر مايهدى لها مااذكرتنـي
باقي بقاياها قصاصـة عناويـن
ورقم ٍ قبل ماتروح بـه كلمتنـي
وبيتين شعر وتحتهن نثر سطرين
أعجاب .. وان ضاقت بها دورتني
واليوم تحسبني حساب الغريبيـن
تغطرست من مالهـا وانكرتنـي
ولازالت تساوي بعينـي ملاييـن
ياغلوها بالحيـل لـو ارخصتـي
لاجيت اباامسح رقمها تدمع العين
والضيقه اللي بالضلوع أخنقتنـي

.
.

كلمات نايف شعبية وبسيطة وليست قديمة
وفيها جزاله واضحة وتسلسل لا بأس به
والحقيقة أنا لا أعرف معنى ( تنوع الطايره ) أول مره تمر علي ..

في البيت الثالث ( الله ايْوفّقك ) مؤكد ان هناك وقوف على الياء وشده على الفاء ..

أعجبني كثيرا الشطر الثاني من البيت الثامن
لو جيتها بعد الرقي مااعرفتني

ان شاءالله ان قدرك عالي يانايف وهي الخسرانه طال عمرك

وفيه فكاهه جميلة وظريفة في البيت التاسع اللي بعده
بعد ما ارتقت وتعلت البنت .. صارت تقدر تجيبه بساعة وتورطه بعد

العيب الوحيد .. انتقاله السريع بعد ما سكرت الخط بوجهه في البيت الثالث
إلى عيشتها الفارهه والفاخرة .. دون ان يذكر معاناة واضحة خلالها
اعتقد انه مجروح كثيرا من أنها تزوجت برجل غني .. وتركته لأنه على قد حاله

لهذا كان بناء القصيدة من أجل هذا الموضوع فقط .. على الأقل من وجهة نظري
الوزن مسحوب وماأشوف فيه حاجه واضحة
باستثناء البيت قبل الأخير اللي يقول بأخر الشطر الثاني
لو أرخصتني
فيه هنا ضعف بسيط جدا
على فكره تمنيت نايف يعكس البيتين الأخيرين .. بتكون أحلى

 

 

ررررررررروعة لا جيت اباامسح رقمها تدمع العين يسلمووو علا النقل الجميل تقبلي مروري دمتي بخير

 

 

مشكورة اختي ع هذه الرائعة ارجو تقبل مروري.