متى ستخلع نظارتك السوداء ؟؟؟

متى ستخلع نظارتك السوداء ؟؟؟






بسم الله الرحمن الرحيم

السلام عليكم ورحمة الله وبركاته

الصراحه فيه موضوع حابه اعرف رايكم فيه

لانه يهمنا كلنا ككل

متى ستخلع نظارتك السوداء ؟؟؟

شو يعني ؟؟؟ شو المقصود بها ؟؟؟

صراحه ولله الحق ما صار التفاؤل أمنيات

سعيدة وأفكارا جميلة بس

بالعكس استوى التفاؤل علم وفن يمكن باجر

بتلاقونه يدرس في المدارس

وياليت والله يعلمونا اياه في المدرسه ، لاننا

من ندش المدرسه نتم الا كله متشائمين

من الدروس والمدرسين وشو بيكون اليوم

علينا امتحان والا لا .

ومب بس في المدارس الا في كل مجالات

الحياه ، سوا الشغل ، او الزواج ، او عند

الاهل .

واغلبنا وبكل صراحه بدا يفقد شي اسمه

التفاؤل في حياته وانجلبت حياته لتشاؤم

مستمر

وللحق يمكن انا وحده من هالنوعيه .

نحن ما ننظر للتفاؤل بمنظار ديني لو نظرنا له

بها المنظار بنلاقي انه الدين يحثنا على

التفاؤل دوم ، ومن انواع التفاؤل هو التوكل

وهو التوكل على الله في كل شي والتفاؤل خير .

فهناك قصه جميله جدا قريتها عن التوكل

والتفاؤل وحابه انكم تقرونها معاي وتشوفون

فايده التوكل وما له من قيمه عظيمه في

ايجاد التفاؤل في قلوبنا


ففي قصة يعقوب عليه السلام عندما فقد

ابنه الحبيب ولمدة أربعين عاماً لم يقل إلا:

{فصبر جميل والله المستعان على ما

تصفون} .

بل عندما فقد ابنه الثاني واشتد الكرب قال:

{فصبر جميل عسىالله أن يأتيني بهم جميعاً}!!

قمة التفاؤل.. قمة التوكل... وعندما رد إليه

ولده قال:

{ألم أقل لكم إني أعلم من الله مالا تعلمون}

التفاؤل هو الشفاء من كل الامراض ويريح

الاجسام ، ويعتبر بعد رضا من بقضاء الله وقدره

علينا سبحنه وتعالى ..ولكم تتخيلون كم من

مريض ممكن انه يتغلب على مرضه لو انه

جعل التفاؤل مكان في قلبه لان مثل ما

يقولون ثلثين المرض مرض نفسي اكثر منه

كونه مرض جسدي ..وكل ما كان الانسان

مرتاح وسعيد كل ما كان شفائه من المرض

اللي فيه او المصيبه اللي هو فيها اكثر واسرع

بسبب تفاؤله بقدره ربه على مساعدته وعونه

له ، واذكر مره قصه قالتها لي اميه انه فيه

واحد غني كان دوم يسير للمستشفيات

ويقولون له انه مريض وانه خلاص بيموت

وكان دايما الناس يشوفونه شايل شنطه

ويتحسبون انه فيها فلوس ويوم يسألونه

يقول لهم انها فيها ادويه ياخذها عن الامراض

اللي فيه وبتموته وكان دوم متشائم وحزين

وتعيس مع انه غني وعنده فلوس وايد !! وفي

يوم وهو راجع من المستشفى بعد ما سوى

فحوصات مر على جسر في المدينه اللي

يعيش فيها ، ووقف هناك على الجسر ويلس

يفكر ويقول لنفسه ما دام اني بموت ليش ما

اعق نفسي من الجسر وافتك احسن لي ؟؟؟

وقبل لا يسوي جيه ياه واجد شيبه وسأله

ليش تبغي تنتحر قال له : ليش اعيش وانا

ادري اني بموت ؟؟ قال له الشيبه : خليك

متفائل لان ما يموت بني ادم الا باذن الله ولا

اي دكتور ممكن يحكم انه ممكن يموت الا لو

الله اراد له هالشي . قال الريال للشيبه :

انزين شو اسوي ؟؟ قاله عق الدواء ها في

النهر واعتمد على ربك وتوكل عليه وتفاؤل بان

الله قادر انه يشفيك من كل شي . وسار

الشيبه عنه وسووا الريال نفس اللي قاله عنه

الشيبه وبعد ما مرت المده اللي حددها

الدكاتره للريال انه يموت ، سار لهم وهو حي

وصاحي وما فيه شي واستغربوا الدكاتره

وسووا له فحوصات وكشفوا عليه وشافوا انه

ما فيه شي مول

فسألوه كيف جيه استويت بخير وانت كنت

على وشك انك تموت ؟؟

قالهم : خذيت بنصحيه شيخ شايب ، نصحني

بالتوكل على الله والتفاؤل والرضاء بقضاء الله

وقدره .

فسبحان الله كيف انه التفاؤل ممكن انه يخلي

الانسان يغير نظرة التشاؤم ويخليه يشيل

النظاره السوداء اللي هو حاطنها على عينه

وتخليه ينظر للحياه والدنيا بنظره كلها امل

وتوكل على الله سبحانه وتعالى .


انزين نحن ليش ما نتفائل ودوم الاغلبيه منا

يكونون متشائمين ؟؟؟

متى بيينا الدور نشل النظاره السوداء عن


عيوننا نحن بعد ؟؟



منقول .