معا ضد الإرهاب

[فقط الاعضاء المسجلين هم من يمكنهم رؤية الروابط. اضغط هنا للتسجيل]
بدينـا باسـم ربٍ مالهجـنـا بالـدعـا لـسـواه
الاهٍ يعلـم الـلـي تحتـويـه القـلـب والنـيـه
سجدنا له وتخضع له على وجـه التـراب جبـاه
تحت حكمـه نفـوس الخلـق مامـوره ومنهيـه
على عيسى وموسـى نـزل الانجيـل والتـوراه
وعلى صفـوة عبـاده خيـر الاديـان السماويـه
بعث خير البشر لامر العبـاد بطاعتـه ورضـاه
عليـه افظـل صـلاة مـن الاه الكـون وتحيـه
وبلغنـا الرسالـه واستجبنـا لــه وناصـرنـاه
حسب مايقتضيه الوحـي مـن احكـام شرعيـه
وظهر من ارضنا من يحفظون الدين حفظ وصـاه
ولا احصي كم ظهر منها صحابـي او صحابيـه
ولازلنـا علـى النـهـج القـويـم وسعيـنـا لله
ملـوك وشعـب والاسـلام سنتـنـا الالاهـيـه
ولكـن بلـوة الاسـلام نـاسٍ غيـروا معـنـاه
احد من نقص في فكره واحد لاغراض شخصيـه
وسنوا مذهب الارهاب والديـن اخلفـوا مجـراه
خفافيـش الظـلام اللـي تحـت رايـه يهوديـه
عثوا فالارض طول وعرض من داني البلد لاقصاه
وكم مسلم وكـم نفـسٍ بريـه راحـت ضحيـه
وكم صـرحٍ حكومـي فجـروه ودمـروا مبنـاه
بسـيـارات ملغـومـه وتخطيـطـات سـريـه
وكـم طفـلٍ تيتـم جـرّح خـدوده بكثـر بكـاه
عيونـه هلـت العبـرات مربـوعـه ومثنـيـه
وكم شيخٍ بكـا ولـده كمـا ذيـبٍ يجـر عـواه
وسطر فيه مـن حبـر الدمـوع الـزرق مرثيـه
وكـم منصابـةٍ تمسـي تـدور دمـع ماتلـقـاه
على فرقـا ضناهـا كـن ينضـج كبدهـا الكيـه
وهذا الفعـل ضـد اسلامنـا والعقـل مايرضـاه
ومـن يمشيـه مالـه عندنـا رحمـه ومـاويـه
يطول الوقت والا يقصـر الظالـم ينـال جـزاه
جـزا الحسنـه بحسنـه مثلهـا والسيـه بسيـه
بلدنـا لـو بـدم ارقابـنـا وراواحـنـا نـفـداه
خسـاره كـان مانحميـه ليـه نشيـل جنسـيـه
ترد الروح نفحه من هـواه وجرعـةٍ مـن مـاه
تحت حكم الفهـد واخوانـه اللـي نارهـم حيـه
اشاره مـن طويـل العمـر يلقانـا علـى يمنـاه
جنـود الـحـق بـريـه وبحـريـه وجـويـه
ولايغيـر هويتنـا رخــومٍ للـرجـال اشـبـاه
سعودييـن ليـن نمـوت والـرايـه سعـوديـه