في غير المشاريف ماشيف

في غير المشاريف ماشيف
قصيدة للأستاذ مقبول مبارك العرابي 7-10-1432هـ
(( خلال المشاهدة عبر الفضاء غضب أحد جلسائي من هفوة أحد محاوري الشاعر الكبير المحترم إبراهيم الشيخي , وقال : لله درك يا الشيخي , لو كنت محكانك لرددت له الصاع صاعين , أو انسحبت وقررت عدم الخوض مع المفلسين الغير محترمين )).
1- يا سايلي عن راعي الدرع والسيف = أهل الشيم هذي دلايل شيمهم
2- ذا حر في غير المشاريف ماشيف = ولْيا بلش باهل الطمن شام عنهم
3- المفلسين الحاسدين الملاقيف = وأهل العفن كم لفهم في عفنهم
4- يشوم عنهم والنشايا مراديف = عزيز نفس ولو بغاهم دهمهم
5- يشوم عنهم ما اشتكى من تكاليف = ووجودهم قدمه يساوي عدمهم
6- ويقدر أهل الحفل والحفل والضيف = ويحفظ لنفسه والنشامى قيمهم
7- ولْيا بلي بأهل العرا والتخاريف = على العيون بما استحقوا لطمهم
8- يرسل لهم سم(ن) بوسط المظاريف = وأبوابهم تقفل وينكس علمهم
9- الغث وأهله ما عليهم تحاسيف = وأهل الغلا كل البشر تحترمهم
10- والكيف ياكم له من الناس كييف = فنجال من راعيه يطفي ضرمهم
11- ماهي فناجيل(ن)هماج(ن) مصافيف = أهل الغلا من شينها فار دمهم
12- يبون فنجال(ن) مسوى على الكيف = يبري الجروح ولا يخيب عشمهم
13- مبهر(ن)بالطيب وأحلى التواصيف = وفتل(ن) ونقض ودفن يشبع نهمهم
14- فيه الحكم فيه العبر والمعاريف = فيه الدروس اللي تعزز قيمهم
15- هذاك عند مشرف الشعر تشريف = الشيخي إبراهيم مطفي خرمهم
16- المحترم رقاي عالي المشاريف = اللي كسب حب البشر واحترمهم
17- ومثله رجال(ن)والنعم تحكر الكيف = نفخر بهم لو ما عرفنا عربهم

 

 

صح لسانك
قصيدة رائعة
وابراهيم الشيخي ماشاءالله عليه عاقل ورزين الله يحفظه
واشكرك على هذا الموقف
اجمل تحية لك من المشاييخ عامة