قصة سفرة عكاااااااااااااااااان

السلام عليكم و رحمة الله وبركاته
رجعت بذاكرتي للوراء قليلاً وكنا نتحدث عن حكاية الأسفار في زمن ليس بالبعيد ولكن ذهبنا للطرائف في سفر القدامى
فحكى لنا أحد الشيبان ( كبير سن ) فقال عندي قصة وأحببت انقلها لكم بالتفصيل ولكن لن أحدد اشخاص اومكان استقراراهم ..اليكم القصة :-
يقول اجتمعو الجماعة في عصر يوم من الأيام فقررو أخذ بعض الحبوب من سوق قريب منهم يبعد عنهم تقريباً ما بين عشرة إلى خمسة عشر كم المهم قالو ما لنا إلا ( عكان ) يروح يجيب لنا الحب لنه رجال خفيف ونشيط المهم استدعو عكان قالو خذ يا أبن الأجواد هذي دراهم معدودة من فلان وفلان وفلان .. الخ المهم انت معتنزين عليك تجيب لنا انواع الحب الي هي الحنطة والذرة والدخن وتجيبها في كيس(ن)تجمعها فيه وتفرق ما بينها لكل واحد (ن) حصته الله لا يهينك ..قال ابشرو بعزكم أنا لها وخذ عطيفة على كتفة والخيشة وتوكل الرجال على السوق ...
ويوم وصل للسوق لقي جماعة وسلم عليهم في السوق وقال لهم وين الحزبة قالو له والله رايحين مكه قال والله اني معكم قالو الله يحييك ..
راح لمكه وقعد شهرين ولما رجع للديرة مر السوق وأخذ الحب المطلوب وجاك طالع ويوم وصل قريب الدار وقرب المسجد حزتها صلاة العصر وقت ما رحل الرجال ولا جماعته قيام يشوفون من ذا الرجال قالو عكان يالله حيه الغايب حجته معه ..
انتكد الرجل في حجر(ن) ووقع دهفته وأنثر الحب عليه قال الله يقطع العجلة بس ...
قالو والله ما قصرت وأصبحت المقولة هذه إلى يومنا الحاضر ( سفرة عكان ) .. آمل ان هذه القصة نالت إعجابكم وعلمي وسلامتكم ...

 

 

سلمت يا الراوي ويعطيك الف عافيه

 

 

قراتها للمره الرابعه ..

وعجزت افهم اخرتها ..

تسلم صعبان

ولاهنت

سالفة عشاق~~

 

 

يعطيك العافيه يا بو يزن

 

 

سالفه قديمه ولها أكثر من روايه وعكان عندنا وعندكم الله يعطيكم العافية واما عكان هذا الزمان مايدور إلا على البرقر والبطاطس المقليه تحياتي ودمتم سالمين

 

 

مرور عطر لمن شرفنا بتعليقه
لاهنتم

 

 

..

حتى انا ما فهمت

يعني وش سالفته عكان ذا ..؟؟!!

يعني متى يقولون سفرة عكااان

هذا اللي ابي افهمه !!

همس ..~

 

 

يقولو سفرة عكان للشخص اللي ما تبيه يرد سريع قولي له سفرة عكان لانه سافر وجلس سنيين لين رد
مرور عطر لاهنتي

 

 

ههههههههههههههههههههههههه ونا الشوف وسمع دائم ابو صبار يقول سفرت عكان

 

 

المشاركة الأصلية كتبت بواسطة صعبان

يقولو سفرة عكان للشخص اللي ما تبيه يرد سريع قولي له سفرة عكان لانه سافر وجلس سنيين لين رد
مرور عطر لاهنتي

..

أشكركـ ع التوضيح ..

همووسه ..~