أصغرٍ ذنوبي / إبراهيم الشيخي

[فقط الاعضاء المسجلين هم من يمكنهم رؤية الروابط. اضغط هنا للتسجيل]

:: أصغـر ذنوبي ::

يوم انكسر موج البحر والشمس مالـت للغـروب
واللون الاحمر قام يسجد فـي طـرف محرابهـا

استرسلـت ريـح الشتـا والملـح عيـا لايـذوب
وتغنت طيـور البحـر بازكـى لحـون اسرابهـا

وقفـت وقفـة مومـن يعـد الخطايـا والذنـوب
ويراجـع اللـي فـات واعمالـه يفـل كتابـهـا

اكبر ذنوبه حلق دقن ونقص فرض وطـول ثـوب
واصغر ذنوبـه قـرب نـاسٍ ماتعـز اصحابهـا

ياليتنـي قبـل اختلـط بالنـاس فتشـت القلـوب
وعرفـت وش تخفـي ورا جدرانهـا وابوابـهـا

ماكان سجيـت القـدم فـي جرهديـات الـدروب
والا ورطت الورطـه اللـي ماحسبـت حسابهـا

اثر المظاهر تستـر عيـوب وتبيـن لـك عيـوب
كـم زينـت هنـدام نــاسٍ شيـنـت هندابـهـا

سواد في لمحة بياض وفرق واضـح ومحسـوب
سـواد نيتهـا علـى هامـش بـيـاض ثيابـهـا

غلطان من هو ياخذ الحيات فـي وسـط الجيـوب
يسـري يلاعبهـا وطعـم المـوت بيـن انيابـهـا

ياملاعب الحيات ينفث سمهـا مـن كـل صـوب
وان قلت باقطـع روسهـا لفـت عليـك اذنابهـا

وانا على طرفي نقيض اكسب رجل واخسر شعوب
تبـلانـي الايــام وانــا مابحـثـت اسبابـهـا

اكبر ذنوبي عاقـد العـزم ابتعـد عنهـا واتـوب
واصغر ذنوبي ماقـدرت احيـا واعيـش الا بهـا

 

 

لله در شاعرنا ابو محمد في هذي القصيده مبدع مبدع لحد النخاع
تسلم ياصديقي العزيز الاندلسي على ما جلبت لنا هنا
هذي القصيده من الدرر اليتيمه لبو محمد رايعه جدا يعطيك الف عافيه
ولاهنت

اكبر ذنوبي عاقـد العـزم ابتعـد عنهـا واتـوب
واصغر ذنوبي ماقـدرت احيـا واعيـش الا بهـا

الله عليك ياشاعرنا القدير صحيح بعض السلبيات ذنوب
ولاكن قد يكون في وجودها في حياتنا اهميه وهو ذنب
شخصي ياتي من تانيب الضمير لا اقل ولا اكثر

 

 

ما فيك حيله يابو محمد موفق ان شا الله

 

 

الله الله على الابداع فعلا كلمات رائعة وابداع متجدد من ابراهيم

 

 

دائما مبدع ياإبراهيم
شكرا الاندلسي على الاختيار الموفق

 

 

صح لسانك يعطيك العافيه

 

 

يعطيكم الف الف عافيهـ على حضوركم المشرف والرائع

شكرا لكم وحيآآكم الله

تحيه عطره..

 

 

شكرا اخي /وصح الله لسانك ابراهيم الشيخي

 

 

الشاعرابراهيم الشيخي مبدع دائما وهاذي من بعض كلماته الجميله

الله يحفظك يابومحمد من كل مكروه

الاخ الاندلسي شكرا لك لنقلك هاذي الابيات الرائعه


تحيااااااااااااااااااتي

 

 

صح لسانك ي ابو محمد وانت الصراحه غني عن التعريف تقبل مروري