الفرحة بين الشعب

[فقط الاعضاء المسجلين هم من يمكنهم رؤية الروابط. اضغط هنا للتسجيل]

اليوم الجمعة الموافق 25/10/ 1432العيد الوطني للملكة العربية السعودية
مهبط الوحي وبلاد الحرمين الشريفين في هذا اليوم الغالي على الجميع
تتفاوت هنا الفرحة بين الشعب كلاً على طريقة الخاصة، ولكن اثبت
الجميع بان الوفاء صفة جميلة البذل والعطاء بلا حدود و تذكّر للود ومحافظة
على العهد والوفاء الحقيقي لا يأتي إلا من قلبٍ طاهر تدفعه النية الطيبة الخالصة
يقول للوطن مهندس الكلمة
الأمير بدر بن عبدا لمحسن في احدى قصائده

عزنا للاسلام هو غاية فخرنا
فيه سر وجودنا ونموت دونه
ارضنا ارض الذهب وانقى المذاهب
والرجال اللي عهدهم يحفظونه
هم عهدنا ما قروا التاريخ والا
قد قروا التاريخ لكن ما يبونه
ومن قصيدة اخرى يقول:
الله الاول وعزك يا الوطن ثاني
لأهل الجزيرة سلام وللملك طاعة
حنا جنود الحرس للقايد الباني
رمحه,, ودرعه وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبدالعزيز وصبحنا باني
ما عاد نقبل ظلام الليل لو ساعه
في السلم يشهد لنا عمرا الاوطاني
وفي الحرب لا رواحنا للموت بياعه
حنا سياج الوطن عن كل عدواني
والجيش والأمن ساري العز وشراعه
وتقول الشاعرة
بنت الجنوب في عيد الوطن
مملكتنا مملكه حب وخير
قلب يضم كل إنسان
عادله بين الغني والفقير
من ماحبها تراه خسران
يحكمها الملك والأمير
والسعودي دايم بارضه ينصان
فيها ابومتعب القايد الكبير
وسلطان درع الوطن جعله مايهان
حامين ديارنامن كل شرير
رافعين رايه التوحيد من زمان
اسأل الله المولى القدير
يعيشون دايم بخيرو أمان
فارشين الأرض ورد وعبير
وحافظين ديارنا من كل خوان
بشرع الله حكمهم دوم يسير
وعدونا فينا ترى حيران
مملكتنا فيها خير كثير
فيها رجال يخدمونها بإحسان
يشهد بخيرهاحتى الصغير
كل جندي بحمايه ارضك سهران
كلن بحبك يابلادي أسير
وكلن بأرضك ياوطن عشقان
يطمع بأرضك ياوطن حشد غفير
يحميها الملك وولي العهد سلطان
من بعى بأرضك شر مستطير
ياعسى ربي يخلده بالنيران
ادعوامعي جعل ارضنا خير بخير
وبحكم ال سعود دوم الوطن عمران
ويقول الامير خالد الفيصل

نـجــد أنــــا والـفـخــر والـمـجــد أنــــا
مــا أبــي غـيــر مـــن رأســـه عـزيــز
دونــــي الــمــوت والـسّـيــف وقــنـــا
مـــا أبـــي إلا أنـــت يـــا عـبــد الـعـزيـز
ولاح فــــي نــجـــد بـــــرّاق الـبـشـيــر
يـــوم قــيــل إن أبــــو تــركــي مــشــى
إن شـهَــر كـــل صـقــر مــــا يـطـيــر
وإن مـشــى كــــل ذيــــب لــــه عــشــا
يـــا ريــــاض الــعــرب غــنّــي طــــرب
ويـــا قـصـيـم الـسّـعــد جــــاك الــوعَــد
واقـبــلــت حــايـــل تـــــرد الـنـشـيــد
فــي هــوَى الّـلـي عـلَــى الـكـايـد عـنـيـد
يــا راعــي البـيـرق تـقـدم لاتـعـوق المسـيـر
لا تـاقـف* إلا عـقـب توحـيـد الـوطــن والـسّــلام
حنّـا هــل العـوجـا لـنـا بالـحـرب يــوم ٍ كبـيـر
عاداتـنـا لَــى ثــوّر الـدخَّــان مـثــل الـظّــلام
** **
يـــا مـرحـبـا تـرحـيـبـة الـعـيــد الـجـديــد
بـالّـلـي رقَـــى ســـور المـعـالـي وانـتـصــر
يــا مرحـبـاً يـــا جـامــع أطـــراف البـعـيـد
يــا غـاسـل قـلــوب الـمــلا عـقــب الـكــدر
مـلّــيــت مـــــن حــكـــم الــغــريــب
مــلّــيــت بـــوقـــات الـــسّــــروق
يـــامـــا نــطَــرتـــك يـالـحـبــيــب
قـلــبــي عــلَـــى وصــلـــك يـــتـــوق
** ** **
تقول الشاعرة دهن العود
قصيدة غاليـــه يا مملكتنـــا
يا صباح الخير طله يا اغلا صبح (ن) ابتديبه
ويا صباح السعد كله يملى ارضك مع فضاها
يا بلادي لك صباح (ن) ما احدن غيرك حضيبه
غاليه والله بلادي من يجاريها بغلاها
من شماله لي جنوبه يمتلي حب (ن) شعيبه
ومن شروقه لي غروبه فرحة (ن) عمة صداها
كل عام (ن) وانتي اعلى ابرضاهم أو غصيبه
كل عام (ن) وانتي اغلى يا بعد كل من وطاها
الشعور اكبر واكبر من قصيدي يا الصليبه
تعجز ابيات القصيدة عن مشاعرنا لولاها
مملكتنا يا بختنا مملكة مكه وطيبه
وابو متعب هو ملكها هو ضياها وهو ذراها
والسعودي شعب مخلص حبه العالم دريبه
يعشق ارضه من نخاعه يرخص بروحه فداها
دام عزك يا وطنا والفرح دايم نصيبه
الوطن ما هوب يوم (ن) الوطن عمر وبداها
اشرقت شمسه ولا به بعد اشراقه مغيبه
يا عسى عمرك مديد ويا عسى نكسب رضاها
ذكرى امجاد (ن) عريقة كل من جا ينتخيبه
قصته قصة عجيب قصته كل (ن) رواها
لو نسينا كيف كانت ما نسينا من سريبه
يرحم الله والدينه ابو تركي اللي بناها
ونسله اللي حاكمينا غيرهم ما نعتزيبه
ياعسى ملوك (ن) توفوا فلجنان اعلى سماها
ما عشقت الا ثلاثة في حياتي يا الحبيبة
ضحكت امي والقصيدة وارضك بلادي معاها
وما كرهت الا ثلاثة في حياتي يا اللبيبه
غيبة اهلي والقطعية وخاين (ن) يطعن حشاها
غاليه يا مملكتنا و جعل من خانك حسيبه
رب (ن) اعلم بالخفايا حامي (ن) حتى هواها
ايه احبك يا بلادي دون شك ودون ريبه
حبك اللي في فؤادي يسري بعروقي دفاها
مرخصين الروح لجلك مرخصين ومو غريبه
من يلام بحب امه امنا وحنا ضناها
برنا فيها ندافع عن ثراها بالحريبة
وحق ابو متعب علينا طاعته لو في فلاها
نحمد اللي خصنا بالامن في ظروف(ن)عصيبه
غيرنا امنه تزعزع والبكا اصبح قضاها
حقنا يا مملكتنا نفتخربك يا العريبه
وكل واحد في وطنا حق من حقه يتباها
حبك اللي في الحنايا يلتويبي والتويبه
نعشقك نعشق هواكي ونعشق ارضك مع ثراها
من عدم كنت وبنتي وصرتي واصبحتي عجيبه
درة (ن) في الكون والله ما حد (ن) جد وقواها
بيرق اخضر فيه عزه وكلمة التوحيد هيبه
وسيف (ن) مسلط على اللي يسعى دايم في غثاها
يا بلادي يا بلادي غيرك انتي ويش ابيبه
انتي ارضي وانتي عرضي وانتي من اعشق حماها
كل دقات (ن) بقلبي تعترف لك مو صعيبة
انك انتي وحدك اللي يعتصر قلبي شقاها
هذي انتي يا بلادي ما تهزك أي مصيبه
ما يضر نباح كلب (ن) هالسحابه في علاها
واللي قلته في البداية جيت اقوله وانتهيبه
كل عام (ن) يا بلادي وانتي افراحك ضواها
كل عام (ن) يا غلانا وانتي دولتنا الرهيبه
ألف مبروك (ن) علينا يوم مولدها وسناها

نترككم مع الصور التي التقطت في هذا اليوم
الغالي من الرياض

صوراحتفالات اليوم الوطني بجده

اللهم أدم علينا الأمن والأمان والفرحة
ياقادر ياكريم اللهم اخزي الحاسدين
والحاقدين وكل من أراد ببلادنا
بسوء يا حي يا قيوم

 

 

دام عزك ياوطن
كل عام والوطن بخير

 

 

دام عزك ياوطن وابعد عنك كيد الكائدين وعبث الحاقدين واطال الله عمر ابو متعب وامدة بالصحة والعافية

 

 

كل عام والوطن بخير
كل عام والوطن في تقدم وازدهار

 

 

عزنا للاسلام هو غاية فخرنا
فيه سر وجودنا ونموت دونه
ارضنا ارض الذهب وانقى المذاهب
والرجال اللي عهدهم يحفظونه
هم عهدنا ما قروا التاريخ والا
قد قروا التاريخ لكن ما يبونه

 

 

دام عزك ياوطن دام عزك يامهبط الوحي دام عزك يابلاد الحرمين