قال الذي مستواه اعلى من الدبلوم والجامعة

((((الله يرحمك ))))=
قال الذي مستواه اعلى من الدبلوم والجامعة=ماخذ شهادة من الايام وتعلم من طعونها
يعمير دوّن على الكراس قافاً والدك بادعه=مثايلاّ لا توحوها العرب قاموا يغنونها
الله يرحمك يحمد بن جنيدب رحمة واسعة=ياللي بكتك العيون إلين خلص كل مخزونها
اقفى بك الموت ياخوية وغابت شمسك الساطعة=والنفس من بعد فقدك تشتكي من كثرة حزونها
مواقفك لو كتبناها تراها تتعب الطابعة=ياصاحب السيرة اللي في المجالس دوم يطرونها
الله لوشفتنا ياخوي وقت الخطب والفاجعة=كل الاودام على فقدك وموتك تدمع عيونها
اقولها واللهايب وسط قلبي دايماً والعة=سبع البحور العميقة كل ابوها ما يطفونها
والارض يابوسند ضاقت علينا فجوجها الشاسعة=واظلم علينا الفضا مابين صاحيها ومجنونها
تبكي عليك الطيور اللي على اغصان الشجر ساجعة=والارض تبكي لموتك والقرى والدور وحصونها
وابكيت وادي طلح ياخوي وروابيه ومزارعه=وجباله النايفات اللي يحول الضد من دونها
وابكيت حي العزيزية ومن مروا مع شارعه =والحلة اللي كثير الناس وقت العسر يلفونها
اقولها والعيون امن الاسى ومن الحزن دامعة=ولهود ومواجع كبار الاطباء ما يداوونها
اسال من نزّل الاعراف والانفال والواقعة=اللي في الصلوات الجهر في المحراب يقرونها
داعي لك الله بدعوة تاصل اقطار السما السابعة=الدعوة اللي ملايكة السما والكون يوحونها
يجعلك في جنة الفردوس يابو الصفحة الناصعة=ياخويه اللي بكتك العين حتى باح مخزونها
جندب المالكي=

 

 

 

 

صح لسانك
والله يحسن عزاك في اخوك