كش ياملك

انا اخوكم الشاعر احمد الهلالي وهذه اول مشاركه لي بينكم وان شالله تكون عربون تعارف
بيني وبين قلوبكم الطاهره مع كل تقديري للجميع

ليت الزمان يعود والوقت يندار=وترجع ليالي الحب والشوق والخوف
ادري تفارقنا بلا سابق انذار=والحزن مابين المحاديب معزوف
نرمي مواجعنا على درب الاقدار=لو السبب معروف ماهوب معروف
معك عرفت اني طفل لكن يغار=بكل مايملك من الحس والشوف
حتى تعلم كيف تنميق لاعذار=واصبح يتمتم شعر ويرتب حروف
تقول(خاين) بس والله ماصار=لوكان هذا الدرب لناس مألوف
وانا السماح اللي رفض ياخذ الثار=مع ان في يده منابيل وسيوف
بس المصيبه وصمة الذل والعار=والعذر بين شفاي حاير ومكتوف
ياما ابتكرت افكار وافكار وافكار=خزنة بنوك وشيك لرضاك مصروف
ان قلتي ارحب جيتلك وسم وامطار=وان قلتي ابعد جيت ميت وملهوف
في الحالتين احس بك ليل والنهار=شعر كتبني لك على قافية اوف
يعني مثل ام تحب ابنها البار=ياللي معك مااسمع ولارا ولا اشوف
وبرغم ماعاني من جحود وانكار=ماهان قدري دامي احج واطوف
مع ان حظني كان لك مثل لاشجار=ظل ظليل ولقمة تشبع الجوف
مذنب كره نفسه بلحظات وانهار=لاهو بها يشفق ولاهي به تروف
شرهة عتب مدري ندم داخلي صار=مدري انا(آسف) او اني (بمأسوف)
(كش ياملك) مدام ساقتك لاقدار=وتضحك ودمع العين لناس مكشوف
يعني تحاول تدعي عزم واصرار=وانته مثل طير به الريش منتوف
حبيبتي طفلك رميتيه في النار=واثقتلي اكتافه معاذير وحلوف
وطفلك قسم بالله يابنت مابار=ولا تردى فيك لوطاح بظروف
مافي يده يختار لو قتلي اختار=وهو حقيقة بين نارين محذوف
ماباع لاعشره ولا حاز قنطار=غير التقى من رب منجي من الخوف
هو من حفظ عبده وهو داخل الغار=وطلابته تعدادهم وصل الوف

 

 

صح لسانك يابو حماد كلمات تدل على شاعريه فذة

لك كل الود والتقدير وحياك الله

 

 

ماشاء الله تبارك الله

 

 

صح لسانك شاعرنا وحياك الله بين اخوانك.

 

 

المشاركة الأصلية كتبت بواسطة ابوخالد

صح لسانك يابو حماد كلمات تدل على شاعريه فذة

لك كل الود والتقدير وحياك الله

ابو خالد

الاورع من القصيده مرروك اللي فعلا جمل هذه الصفحه
فشكرا لك ياراقي

 

 

المشاركة الأصلية كتبت بواسطة ابو نواف الشيخي

ماشاء الله تبارك الله

ابو نواف

شاكر ومقدر لك هذا المرور الكريم

 

 

اهلآآ بكـ أخ وشآآعر............. وصآآحب بيت

يعطيك العافيه ........علي جمـــالَ الطرحً الرائع

ماننحرم .......... من شآعريتكـ المميزهَ

في أنتظـــار .......... القادم منكـ

.

 

 

المشاركة الأصلية كتبت بواسطة طموح انسان

صح لسانك شاعرنا وحياك الله بين اخوانك.

طموح انسان

ويعطيك الف عافيه ياالغالي
وان شالله اكون فعلا عند حسن ظنك

 

 

المشاركة الأصلية كتبت بواسطة sweet girl

اهلآآ بكـ أخ وشآآعر............. وصآآحب بيت

يعطيك العافيه ........علي جمـــالَ الطرحً الرائع

ماننحرم .......... من شآعريتكـ المميزهَ

في أنتظـــار .......... القادم منكـ

.

الله يحيك ويبقيك ياراقيه
والجميل هو حضورك وتشريفك
تقديري واحترامي لشخصك الكريم