انا لو بغيت اكتم خبر يفضحه صـدري
ريـا كبريـا ومجاملـه عنـه منحـازه
لذلك تعلمت الصراحه علـى صغـري
ومايظهره صدري من لسانـي افـرازه
من الآن باصارحك قبل القمـر يسـري
ونبلش بحب(ن) شين معقـوده الغـازه
انا ما أريد انسان فكـره ماهـو فكـري
اذا قلت هـذا حرمـه شرعنـا جـازه
ولا اريد من يزعل بكيفه ماهو جبـري
يولاجيت بامزح معه ولّع كمـا القـازه
ولا اريد من يهرج بشي عنـه مايـدري
ويحكي على روس الملا قصة انجـازه
انا اريد من لاجيتـه يقيـم لـي قـدري
ولاغبت يتنشّد سمـا الغيـب واعجـازه
اريده وفي مخلص وصبره مثل صبريي
علـق غـلاي بجـدر بيتـه وبـروازه
اريده ليا قفيـت يبقـى علـى ذكـري
وياقف معي حتى وانـا ميـت جنـازه
وهذة شروطي كاملـة يابعـد عمـري
ماهي باختبار يسـاورك شـك تجتـازه
اذا انته شريكي في مسار الهوى العذري
ترفّق على قلبـي تـرى قلبـي قـزازه
واذا كنت رافض عشقتي قول من بدري
على شان احطم صورة البـاز والبـازه
000
مع تحيات الشاهين
08-02-2010, 04:42 AM
صراحة الشيخي
العرض الشجري