مشكلتي اهواك

	مشكلتي اهواك من يوم لاقيتك لا ارتحت في قربك ولا البعد نساني اسكنتك بروح روحي صرت انا بيتك وادلك بالمحبه يا اجمل احزاني اليوم من شوق قلبي بالغلا جيتك بكيت لك والبكا مافارق اجفاني ياأجمل هموم قلبي كم تمنيتك وانا اللي عانيت في حبك وعاناني شربت من هم بعدك لين مليتك والحزن من كثر ما خاويته اغلاني تذكر من العمر ياكثر مااعطيتك طاوعتك وربي بظلمك تبلاني اهديتك العمر كله ليت ما اهديتك ارخصت روحي معك ياأعز خلاني شلي بغيته بعد من عقب ما اغليتك ارجوك قلي وقدر طول حرماني تذكر الشوق ماعمري تناسيتك الله يسامح خفوقك ليه يحفاني لو ان قلبي يطاوع كان خليتك لكن شلون بنسى وانت وجداني