حبيت حرف النون من شان خلى

حبيت حرف النون من شان خلى
وحبيت كل اسمٍ بدا بأوله نون

حب ٍ من القلب الشقي مايخلي
من جاله لجاله مولع ومرهون

حبٍ كبير وللشرف فيه دلي
على سلوم اهل الوفا اللى يحبون

هذاك حب اللى لها كل كلي
افديه بالروح العزيزه وبالكون

والله ماينقص غلاى اله ملي
حتى ولا أسمع فيك مهما يقولون

لا يابعد من جا وشرف محلي
تحفظ غلاك اضلوع وسموع وعيون

من غيرك ارضاله كثير التغلي
ومن غير احبه ومن غيرك يمون

ياما عليك اخطى واكابر وازلي
وان جيت ادور عذرها قلت ممنون

غيرك ليا جا قلت دحدر وولي
مانى من اللى في عهدهم يبوقون

منك الحلاوه في قصيدى تحلي
ومنك استمد لهاجس اشعارى العون

طيفك مخاويني مخاواة ظلي
ومحرمنى النظره على كل مزيون

لاجيت الد العين ثار وفطنلي
وعودت اسوق العذر من شان ترضون

مبطى احسب الحب لعب و تسلي
واثر ه فنون وروعة اشواق وشجون

يفداك عمرى يابعد كل من لي
باموت مامات الغلا يا اشقح اللون

ياليت اهلكم ياحبيبي هلن لي
(لجل اخذك خل العواذل يموتون)


************************************
يستاهل حرف النون اكثر من ما كتب