ميزانية 2013 .. طموح وآمال وسكن .Vs المغرب ولبنان

الفساد ينخر في جسد الوطن والمواطن السعودي من الوريد للوريد .. والفساد مستشري لا يمكن السيطره عليه ..
كل سنه تنزل ميزانية ضخمه بفائض أضخم ويتم صرفها في مشاريع تنمويه يسمع بها المواطن ولا يراها !!

أتمنى صرف أغلب ميزانية هذي السنة في أوامر ملكية تفيد المواطن مثل أوامر عام 1431 أو صرفها في مكافحة الفساد والقضاء عليه نهائيا حتى لو كلف هذا الميزانيه بالكامل ..

إذا عندكم مشاريع تنمويه شاهدوا دبي شاهدوا تطورها ماهو عيب ولا يقلل من قدركم لو تعلمتوا منهم .. الرياض ضاقت بسكانها وجده ترتعد من رشة مطر والشرقيه سئمت من حفرياتها ناهيك عن اهمال مناطق الشمال والجنوب ..

الواقع يقول البلد توقفت تنميته من عام 1410 ومن تلك السنه الى اليوم ونحن نسمع بمشاريع تنمويه ومنها الى يومنا لم نشاهد الا برجي المملكه والفيصليه وكم مول وكلها مشاريع خاصه !!

المواطن السعودي مل من نكتة (مشاريع تنمويه) نترجاكم أبدلوها أو ألغوها لأن ما شفنا منها شي وهالمشاريع مجرد (cover) لأغلب الفساد الي حاصل في البلد..

البلد لم يعد أكبر مصدر للنفط والقادم مجهول ومخيف لأغلب أبناء هذا البلد فلا صناعات ولا تنظيم والفساد مستشري والمواطن مسكين لا يملك حتى قرار نفسه ..

ولا انسى التبرعات المستفزة مليارات تنثر هنا وهناك تحت بند (شؤون سياسية) مليارات للبنان واليمن وفي الاخير لا سيطره لنا فيها ولا حتى كلمه .. ومليارات لميترو في المغرب وكأن الميتروز والقطارات مضيقه علينا !! كل هالتبرعات استفزازيه للمواطن يتمنى وقفها ..

كمواطن اتمنى ان احس بالفرق بين 2012 و 2013 .. اتمنى اشوف بلدي احسن بلد .. اتمنى كل مواطن بوظيفه وبيت وهالشي ماهو بصعب بس أتمنى وأتمنى لكن الواقع غير الاماني ..

2013 أتمنى تكون سنة خير علينا وعلى بلدنا والله يحفظها من كل شر ويحسن حالها وأحوالها ..


في الختام أسأل الله ان يطيل في عمر ابو متعب ويحفظه وان يكتب لنا خير هذي الميزانية ويبعد عنا شرها .