مهم لبراهيم الشيخي من صاحب القصيده

هنا قصيدة لطلال السعيد ، وأخرى لإبراهيم الشيخي ، وإحداهما مسروقة من الأخرى ، ، ، ، .

نريد هنا بحكم تواجد الشيخي في هذا المنتدى ، أن يفسر لنا السر وراء ذلك ، وأن يزيل الغموض الذي يلف هذه الحالة ، لأن الأمر ليس تشابه أفكار ، ، نتمنى من الأخ إبراهيم إيضاح الحقيقة والله الموفق .

قصيدة طلال السعيد

[ "]
قالت اسمع يا طلال وقلت يا حي النبا=آمري وتدللي ثم آمري وتدللي
قالت اسمع ويش أقول وقلت حاضر مرحبا=قالت الشوق اشتهاك اليوم اشد من أولي
قلت يا بنت الحلال العشق نوع من الغبا=قالت إلا وصل بين المبتلي والمبتلي
ما سمعت أمي وانا بأول بدايات الصبا=كلما سولفت عنك تقول يا بنت اخجلي
ما درت عني وانا ارضع من هواك مع اللبا=واكتمل عام الرضاع وصار حبك كاملي
المصير اللي غرس بالقلب طعنات الشبا=وانت عني داله (ن) يا قاتلي يا قاتلي
كنت احدث عنك حتى الرابضات من الضبا=في ربا المطلاع والقاها تقوم وتجفلي
كني اسمعها تردد لا حلال ولا ربا=احذري لا تشترينه دام قلبك ممتلي
ابعدي يا بنت خلّي العشق يخسى ويهبا=والنصيحه بعد هذا اليوم لا تستعجلي
رحت عن دنياك وأروى داخلي ريح الصبا=وارتويت الخير من مزن السحاب الهملي
واكتسيت برحمة النسيان ثوب المهربا=واشرقت في نون عيني شمس حظ (ن) مقبلي
قلت يا قلبي لفاك السعد .. غيره وش تبا=لا تروم الحب يا قلبي ويكفوني هلي
يوم جيت أرد واثر السالفه راحت هبا=الله اكبر كيف يحذف رقمها موبايلي
قلت في نفسي يا بنت الناس داخلك الغبا=لو تكرمتي بذكر اسمك قَبل لا تقفلي[/

قصيدة إبراهيم الشيخي

[ قالت الشيخي ماغيـره قلـت ياحـي النبـا=ايه انا الشيخـي ماغيـره آمـري وتدللـي
قالت اسمع وش بقللك قلت حاظـر مرحبـا=قالت انا اهواك وادور عليـك مـن اولـي
عاشقه بس مادري ان العشق نوع من الغبـا=والاهمزة وصـل بيـن المبتلـى والمبتلـي
وما ادري ليش امي وانا فأول بواكير الصبا=كل ماسولفت عنـك تقول:يابنـت اخجلـي
مادرت كانت ترضعني هـواك مـع اللبـا= وتاب قلبي عن هواها مير عنك مـا سلـي
كنت احدث بك زميلات(ن)مثل خنس الضبا= ويقولوا لي ماحـد قـدك يابنـت تنازلـي
بايعتـك ومشتريتـك لاحــلال ولاربــا=غاسلة يدي وقلبـي منـك فـارغ ممتلـي
لاح برق وراح شرق وذعذعت ريح الصبـا= وغازلتني شمس برقعها السحـاب الهملـي
وسقى وجهي سحاب الدمع واهتـز وربـا=سرمدة ظلما وعيت شمس حظـي تنجلـي
وسرى داخل عروقي مثـل فعـل الكهربـا=وانعكاسات الصدى والصوت في الفج الخلي
قلت ياقلبي وصل سعدك لحـدك وش تبـا=لو يضمك قلب ويصافحك كف(ن)مخملـي
انبسـط ياعـم والاحـزان تخسـى وتهبـا= وجهز احساسك بشان الانتقـال المرحلـي
وفجأه الخط انقطع والسالفـة راحـت هبـا= الله اكبر ليـش يحـذف رقمهـا موبايلـي
اكتشفت انك يابنـت النـاس داخلـك الغبـا= كان صعبه تذكرين اسمـك قبـل لاتقفلـي