الورقه الي جننت البنات

الورقه اللي جننت البنات يقولك فيه عجوز على فراش الموت وما عندها إلا ولد واحد .... وهي على فراش الموت قالت له وصية خذ ياوليدي الورقة هاذي ... وأي بنت تشوفها ( بأي مكان ) إفتح لها الورقة ( وخلها تقراها ) وياويلك (( إذا قر يت اللي فيها )) أنت ما تشوفها ماتفتح الورقة .... إلا إذا وافتك المنية ... وقربت تموت قالها إبشري ....... وماتت الأم ====> الله يرحمها حزن الولد حزن شديد .... وضاق صدره بعد مده .... قال لازم أنفذ وصية أمي طلع للشارع .... وبالصدفة وهو مار من عند ( قهوه) قال يالله ... اضرب لي فنجال قهوة أعدل الراس فيه دخل المقهى ........ طلب قهوة طلع المباشر( بنت)... وقدمت له القهوة وهو يشرب القهوة ... قال ليه ما أوريها الورقة ... فكرة والله قام أخونا بالله وفتح لها الورقة البنت على طوووووول ... قامت تصرخ عليه ياللي فيك ومافيك ... يالقذر .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل الرجال ....( طار عقله)... مايدري وش السالفة جاء راعي الكافي .... وطرده المسيكين ضاق صدره ... وطلع بخاطره قال أكيد البنت هذي مجنونة ... أكيد فيها شي طلع من الكافي ... ومشي في الشارع ... وبالصدفة لقى ملاهي ... قال بدخلها دخل الملاهي ... وراح يلعب فيها راح إلى لعبة تصادم السيارات ====>يحبها من يوم كان صغير مالقى ولا سيارة فاضية .... شافته بنت ... قالت له .. تعال إركب معاي الرجال إنبسط ... فرح ... ركب معاها ... وقام يلعب وسواليف ... وسعه صدر وبالأخير .... عزمته على آيس كريم .... إنهبل ... ماصدق خبر راحوا يشترون آيس كريم ... وقعد يسولف معاها قال خلني أوريها الورقة ... أكيد تختلف عن البنت اللي في الكافي ... فتح لها الورقة البنت على طوووووول ياللي فيك ومافيك ... يالقذر .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل طردته وسبت خيره..ورآح منها برضه الرجال .... مايدري وش الطبخة ونفسه يقرأ اللي في الورقة ... لكن أمة ... محذرته راح للبيت ... مر على مطعم ... قال ليه ما أتعشى طلب عشاء كبسه رز .... وصل البيت ... وشبعان بالليل عوره بطنه ... قام يتوجع ... الظاهر فيه ( زايدة ) طار للمستشفى ... سووا له عملية زايدة يوم صحى من النوم ... شاف الممرضة قدامة ... قال أكيد هذي تختلف عن الباقيات هي بترحمني ... أنا مريض ... وراح تعطف علي وقام أخينا بالله ... وورها الورقة البنت على طوووووول ياللي فيك ومافيك ... يالقذر .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل وقومي وأحذفيه من الدريشة إنهبل الرجال ..... جن جنونه .... قال مالي قعود بالبلد هذي ..... أكيد كلهن مجانين مالي إلا السفر ..... خارج البلادهذي قطع تذكرة على اول رحلة خارج البلد .... ركب الطيارة وقعد في الكرسي ... جت المضيفة تخدمــه ====>بنت ... أنتم عارفين وش بيسوي لها جابت له العصير ... وقال بإذن الله راح اوريها الورقة أكيد هذولي البنات .. طبقتهم فوووووق ... لأن مستواهم عالي .. ومحترمين فتح الورقة لها .......... والبنت على طوووووول ياللي فيك ومافيك ... يالقذر .. يالحقير ياقليل الأدب .... يا عديم الذمة يا عديم الضمير ... يا منحط ... ياسافل والله لأنادي لك السوبرفايزر ... أشتكيه عليك جاء السوبرفايزر ... وسمع القصة من المضيفة قال ..... أبداً .... أبداً .... مالك قعود بالطيارة هذي ... أبداً ما فيه إلا حل واحد ........ مافيه غيره .... نرميك من عند باب الطيارة =====>والله ياناس رحمتـــه إنهبل الرجال وإنفقعت مرارته .... وبرضه ما يدري وش الطبخة ..... قال لهم معزمين على الدفه من الباب قالوا أبد ... من عند الباب ... قال شكواي إلى الله اللهم إني أنفذ وصية أمي ...... طيب ... أنا عندي طلب ممكن ...... قالوا تفضل قال لهم ... وأنا واقف عند الباب .... قبل ما تدفوني على الأرض .... ودي أقراً الورقة لأن سالفة أمي كذا وكذا ... وقالهم إن أمة موصيته إنه مايقرأ الورقة ... إلا إذا جاء يموت وهو أكيد راح يموت لأنه بيطيح من الطيارة ... وهو واقف على الباب ومفتوح دخل الهواء ... عجزوا يسوقون الطيارة وعلى وشك إنهم يدفوووونه عشان يطيح .... فتح الورقة ..... عشان يقراها أخينا بالله أول ما إنفتح الباب ... فتح الوررقة وش صار له طارت الورقة ودفوووووه من عند الباب وطاااااح ومات المسكين وهو ما يدري وش في الورقة وأنا كمااااااان .... ما أدري وش فيها يا حرااااااااااااااام ...... والله عذبتكم بالقرأه حرقت اعصابكم صح... ادري ودكم تدفوني معاه= ... بس هذا حال الفضوليييين.......................

[align=center][/align]

 

 

هههههههههههههههههههههههههههه
حلوه
شكله ماحسب حساب ان الورقه بطير منه وقراها قبل ماينفتح الباب
أنا صراحه ما ودي أدفك بعدين أبتلش في أهلك
لكن ودي أنتف شعرك بس
وقليله بعد
يالله نعيش وناكل غيرها
تسلمي فيونكه

 

 

القصة مشوقة

كان نفسي اعرف ايش مكتوب في الورقة

يمكن لقافة.............. ليش لا

شكرا فيونكة

 

 

نسمات
منوره بوجودك >>>حرام عليكي تنتفي شعري
يعني اذا مادفيتوني نتفتوا شعري والله حاله

 

 

الزلزال

مرورك اسعدني
تقبل تحياتي

 

 

وربي انشديت من فضولي نفسي اعرف وشمكتوب بالورقه
اختي الف شكر على الموضوع
لك مني اجمل تحيه

 

 

مشكور صعبان
حتى انا ودي اعرف>>>
نورتو الموضوع

 

 

شكرااا ع الموضوع
وشكله مافي احد في المنتدى راح يعرف وش مكتوب في الورقه
يسلمـــــــــــــــووووو

 

 

ابو تولين
اشكر لك مرورك العطر

 

 

انا عارف وش بالورقة لكن مانيب قايل لكم لان انا السوبر فايزر حق الطيارة >>>>>قام ينصب


روعة وابداع ولكن ...................









































































































لاتعيدينها زين لان نسمات بتنتف شعرك وانا باحلق لك حواجبك وحليها بعدين


اخوك البردي