معي لكم سـالفه صـارت لواحد من الشباب الله يذكره بالخير ويـوفقه وين ما افلح اوغدا
الرسلها لى في البريد ضحكت لين بغيت اغزل
العنوان : اوه اوه ياظهريه
برعاية : جدتيه
والمراقبين : القحم وعميه فلان
ومحدثكم : رولااندو على غفله¡
الـزمان : قــبــل عشـر سنوات تقـريبـا
المكـان : قرية خلوها مستوره احسن عشان لا ننفضح ههه
ابطال : القـصـه (( المـأسـاه )) هو المتحدث ( فلان ) وأبـوه وكـهلـتهـم الي هـي جـدته
يقول :كـنت في عصـريه من العصـريات الجميله ومعي الكـوره اللعب بها كالعاده في ( الحوش ) في البيـت وكان عندنا بـلـكـونه وكان فيها شكل تجميلي ماصـورتين من اولها إلى اخـرها في الأطـراف وكانت على شكل مـرمـى يعني ما ناقـصـها إلا شباك ويصير قــول ولا احلى كهلتنا كلهم ذولا في شبـتها افـلـحوا الله يرحمهم إلا هي باقي حيـه وزيد اشـد من بـقـعـى فكري انها لو لـفـخـتـني كف جابت اجلي (( نشاط في غيرطبيعي ))ســووا لـها تـوظـيب ثـلاث مـرات وبـاقي شـغاله ....!
وكانت تمـتحـني كل عصر تعدي في البـلكونه وتجلس هناك ومعها قـشرها ومشـعابـها ودواء الحـمـوضه (( روميان )) الي لونه اخضر جيت ذاك اليوم فيني خرمة كوره غير طبيعيه ومسكت معي إلا واللعب بها في الحـوش لكن الي حصـل انها كانت مـوجوده وطبعا ماقدر اللعب وهي جالسه ثـمه قلت لها : يـا جده قـومي الله لا يهينك عدي اقـعدي وراء هناك عنـيـنـي بـلعب كوره وخوفتي لا تضـرب فيك (( بـاقـي اخلاق حلوه إلى الحين ))قـالت : اقول افلح حد وربي راضي عنك
فأقـرب منها شـويه وازمـها مع ايدها كأني بأقومها قلت : لا لا إن ۿاء الله انك ۿو تقـومين قومي تكفين اجلسي في الجهه الغربيه من البۿلكونه وتـلفتي على كيفك واذا :بها تـفـك ايدها من ايدي وشتـلت مشـعابها فرمتبه على ركبتي إلا قسم يا الوان تلونت في عيوني من الوجع احوووووووه بـغيـت اخـنـقـها بيـدي وزاد ما ذبحني إلا بــرودها وانا اكلتـنـي الشـحـنـه فأيـها تـقـول : افلح انـقلع والعب هناك وتعوذ من ابليس تعـرفون بـعض الكـهـيل إذا طـنقـرت في راسها على شي احـلـم انك تـاخذ عـازتك ان كان لك عندها شي يـقول ياولد نشبت في نحري عيت تفـلح وافـلح العصر ولا قـد لعبت فأنـزل من البـلـكونه ووجع ركبـتي باقي يونون فأقولها : يا جده قووومي واللعني ابليس وريحينا من عــناد الكهيل ولا ردت عليــٌـه بكـلمه بــرود خــلاف واصيح عليها مره ثانيه : ياجــده قووووومي يا جده قووووووومي واشكل ماشي مليووووووووون
فأعود قلت : اسمعي ترا والله اني لأشـوت ومالي دخل لو وقـعت فيك قـالت : والله انك ما معك اليوم هكبه هياافـلح كذا قال : والله اني بلعب يـاجده قووومي تراني باشـوت واشكل مره ثانيه زيد ما تـفـكك في عصـابة راسها وتـطلـع حـزمة الريحان والمناديل الي في راسها يعني تراني ماني بحـولك ولا ضربت لك حسـاب فأرتفع يا ضغطي الف امبيـر قلت ياولد خلني اشوت الكـوره وتوقع في الجـدار جنبها عساها تسمع صوت حـطيم الكـوره في الجدار وعسـاها تخـترع وتغير محـلها
فانقـز الكـوره واشوتها في الجدار جنبها قالت : ولد العب هناك لا تصـيبـني تقولها وهي مـدنقه وتشد الشيـله ومنديلها من وراء راسها واشـوت الثانيه وزودت الجـرعه شويه علشان الصوت يكبر وبـرضوه بـرود قاااااااتل منـها لكن حدث مالم يكن في الحـسـبـان
(( ابـليس حـريص ))
فأشـوت الثالثه الله يجيـركم لكن الـوزنيه انـفرطت المره تيـه وماهي إلا ثـواني مـعـدوده والكـوره كل مالها تتـجـه نــحـو جــبــهــتـهـا وطاااااااااااااااع إلا حــرام انـها وســط اليـبـهه إلا الكـوره افلـحت في يـال ويـدتي انـفـلتت مـحـلهـا تـكفـح بـريـلها ياولد دورني معاد تلقاني وادنق عندها : جــده جـده جـده اشا جده إلا ماحولك احد الاياشياطين عيونها في السماء يا ساااااتر استــر
فأطق بالصـايح في البـيت يا اااااااااايبه ياااااااااااايبه اللحق جـدتي اغمى عليـها فأنزل يا بـويه وعمـي فاشتلـوها بسيقانها و ركبوها في الصـالون وعلى مستشفى قلوه العـام فأصـقـعي بيـومين ثـمه ولا قـالت حـرف يومين قسم بالله ماضرب النـوم عيني كلهم زارو إلا أنا لكن طـاب لي في العـلم ان ابويه في اليومين هذه يمر من عندي وعادي لكن اغلب وقته معها في المستشفى بس يعني تأكدت انه ماعنده خبـر ولا قالت له شي وانا خلاص مـعاد إلا واهستر في عقلي من الهـم ذا عيـى يفلح يقـول وإلى بعد ثالث يـوم فيـهـا تـطلع من المستـشفى وصـار ابويه يـقـعد مـعـها ولا عاد يفـارقها في البـلكونه ولا شفتها ولا شي إلى ذلحين ادخل البيت يا في الغرفه ولا أي مكان لكن ما شفتها ابـد ويوم جات الطـامه في اليـوم الثالث كانت قـاعده مع ابويه وعمي كان معهم فأيها
تعطيهـم السـالفه من طقطق إلى سلام عليكم وقـتـها كنت بـرا وابـويه على احـر من الجـمر ينتـظر رجعتي خلاص لو به كان قـتـلني ذاك اليـوم لكنه عرف اني لو دريت انه درى بالعلم اني انا الي شـاتها في راسها واني سبب المصـيبـه كلها كان معاد طبيت البيت اسبوع ولا اشكل شويه واسـير عبى امـطلقه عند اخوالي في الطائف لين تبـرد السـالفه فادقل عليهم على اخر العصـر إلاهم قاعدين في البـلكونه كلهم وعيونهم فيـــٌـه يا سااااااااتر وادخل البيت علي طول ملا سلمت عليهم وكأني مستعجل ويوم عـدت بدخل إلا بـويه ما يناديني : عبدالله يا بصـري تعال ياعبديه وانا فدا تاعك الخلقه تعال عـد حـاوشني في حطب في السـطح فـوق خلنا ننزله يقول ياولد ما خبرت ان في السطوح فيه حـطب لكن قلت يمكن انه جابه امس ولا قبله ولا انتبهت له قلت له : ابشر ابشر يايبه فأسبقه يـعنـني اني حريص وماهلا فتحت السـطح والتفت يمين ويسار والمح من الجهه الثانيه إلا قسم ما حولك احد انـتـابني الشـك وقتها لكن مازلت متمسك بالأمـل ويوم تأكدت ان مافيه شي في السـطح أيـقـنت يقيـن لا يـخالطه الشـك ابـدا ً ان ماعني فأحشـرني في زاويـة السـطـح فطلع مشعاب عـتـم من وراء ظـهـره طـول نصـف قـطـره 15 بـوصه ..؟وهـاتك ضـرب وهـاتـك تفـل وهاتك مـحـط وامحطني امحطني واصيح صياااااااح ياولد فكري ان القريه سـمعوني كلهم وامي وراء باب السـطح انهبلت تبكي بكاء تعيت وشبه يضـربني وتخبط الباب بأيدها وتصيح وشبك ياقحم الغزله على الولد يا مخـلـوق اشا مخلوق وأصيــح اللحقي يا يايمه يـقول يا ولد قسـم اني بـغيـت اتـحـرول ضربني ان عادت لعبت عند جـدتك اذن المغرب وكـان فـزعتن من ربي سبـحـانه
يـقول والله يا بعـدها اني جـلست شهـر كامل ارقـد على بـطـني ولا خليت مـرهم ولافقس ولاودهان في الصيدليات وفي العـطارات إلا وهـبتـ عـلى ظهري ومن بـعده اللغيت كل انشاطات الريايه في الرعش ( الحوش ) وصرت اسيـر للمافي بـحيـدها و شـوكـها طبا بعد شهرين ين استعـدت عافيتي وصحتي لي بغت تروح هـدروانا في عز شبابي علشان جــبــهــت كــهــلـه
زيد فكرك انها انتهت على كذا يقول حرام يوم سـجلت عسكري بغى ينجنون في عـقـولهم حقين الفـحـص الطبي تـعيوا وشهي المخططـات والمشـاريع الي مـوسـٌــمـه في ظهري
بغيت اقولهم بالحقيقه لكن قلت لهم اني طحت من الدرج خل طلااااااقه انها ما مشت عليهم لكن سجلوني سـليـم
هـذا سالفتي والسلام عليكم وسلامتـكم
هههههههههههههههههههههه
من منقول من بريدي
اخوكم
الشاهين
04-05-2010, 10:30 AM
اوه اوه ياظهريه اتحداكم ما تضحكون
العرض المتطور
