قلت له طيب

[سنوحي]

كم واحدن لا نشدني قلت له : طيّـب
وأنا وأنا أخوك لا طيّب ولا حاجـه!
وكم قلت للي طلبني حاجـة ٍ طيّـب
وأنا أكثر اشوي من راع الطلب حاجه
إن غاب ما في يدي مانيـب متغيّـب
أجي ورى هقوة أهل الجاه وأواجـه
يولد معي صاحبي ويشـبّ ويشيّـب
وأنا على العهـد والأيـام منعاجـه
والهرج بالرجل مهما كان ما يّعيّـب
الناس بالناس هراجه . . وهراجه!!
العيب لا شاف الأقرب شـيّ بقريّـب
ثم ثار دمّه عليـه ونفّـخ أوداجـه
وإلا للأجناب ليّـن بـاس وحبيّـب
واللي يداريه ما يسلم مـن إزعاجـه
وأنا بلا فخـر لا عيّـب ولا خيّـب
أدرّج الـرجـل والأيــام درّاجــه
أجهّز الطيب لأهل الطيـب وآطيّـب
وأجهز الشر لأهـل الشـر وأواجـه
وإن كبرت المشكلة مانيـب متهيّـب
الشمس نور ونهـار ونـار وهّاجـه

[المها]

أجهّز الطيب لأهل الطيـب وآطيّـب
وأجهز الشر لأهـل الشـر وأواجـه
وإن كبرت المشكلة مانيـب متهيّـب
الشمس نور ونهـار ونـار وهّاجـه




صح لسان الشاعر و لا هان .


قصيدة بغاية الفصاحة و الروعة .



أخي سنوحي .


بيض الله وجهك و بارك الله فيك .


دمت بخير .

[الشاهين]

المشاركة الأصلية كتبت بواسطة سنوحي
أجهّز الطيب لأهل الطيـب وآطيّـب
وأجهز الشر لأهـل الشـر وأواجـه
وإن كبرت المشكلة مانيـب متهيّـب
الشمس نور ونهـار ونـار وهّاجـه

صح لسان القائل كلام جميل