علم ياصعبان

[الشاعر 2010]

جاك ياصعبان علمي والسوالف والمثل
لادناك الليل ممسى لصبحت تلقى دروب
ان شرهنا وان زعلنا مالقينا من يراضي
طالت المده وغيبت صاحبي وشبعدها

[الشاعر ابراهيم الشيخي (صعبان)]

عطني البلجيك يا هياس وآطيح المـــــــــــــثل
انا متفنن على رمي الهدف مانـــــــــــي دروب
تحسبني مثل اللذي عميان شوفه مايراضــــي
مادري با اهدافنا وش قربها وش بــــــــــعدها

[( عبدالرحمن الشيخي*)]

الأخ القدير الشاعر
سلم لنا فكرك الراقي وانا ملك الذهبيه
قصيده في منتهى الروعه
يعيطك الف عافيه

[( عبدالرحمن الشيخي*)]

عطني البلجيك يا هياس وآطيح المـــــــــــــثل
انا متفنن على رمي الهدف مانـــــــــــي دروب
تحسبني مثل اللذي عميان شوفه مايراضــــي
مادري با اهدافنا وش قربها وش بــــــــــعدها
رد جميل
يستحق قائله الثناء
فكل الشكر لك صعبان على هذا الابداع

[الشاعر 2010]

قال ابو عبدالله مال الجايره غير الجمل
لاتقلي ميًل الاحمال لجناب الصعوب
الصعب يرغي مع شد الحبل والنتقاضي
تفحمه بعد المسافه لايحسب عدها

[الشاعر ابراهيم الشيخي (صعبان)]

البضايع نصها تفريق والباقــــــــــــي جـــــــــمل
الغلا با اسواقنا والمشترا منها صـــــعـــــــــوب
وانته لو تهبط في الاسواق قل ويش انته قاضي
من هبط في سوقنا امواله صدر مـــــــــــاعدها

[الشاعر 2010]

بعد سيدي الهاشمي ماجا بشير ولا رسل
حامت الدنيا وقامت في صراع وفي حروب
وانت ياصعبان سجل عندكم سطر اعتراضي
انت واحد فالعدد والفين في علم الدها

[الشاعر ابراهيم الشيخي (صعبان)]

شاعر القيف اكتبر نرسل ولا رد الرســـــل
ما ضحك سنه وصفق غير لرجال الحروب
وانا كم غنيت با امثالي وكم ولعت راضي
وقلوب الناس مالي سلطــــــه اعلى ودهـا

[سدر الجربه]

لا هنتو على الابيات الرائعه

[الشاعر 2010]

المثل بيني وبينك يازميلي بالدول
والقصايد فكر ماتغدي دواخل تحت ثوب
كل تاريخناً قريته كل ما في الوقت ماضي
والصحاح اعلمك عندي طلايع وردها

[الشاعر ابراهيم الشيخي (صعبان)]

الصراع العنصري محكوم مابيـن الـــدول
انا ماودي تقدم لك نصيحـــــه تحت ثوب
انتقل سيفك وجاهد طالما له حد ماضــي
وآجيوش الظلم قاتلها بسيـــفك واردهـــا

[الشاعر 2010]

النمر ليله بضلع وليليه في مناخ بل
وانا قد عفت الزراعه وعفت من سوق الغروب
آل سيّود قد فرض لوقلت ياناب افتراضي
والطيور الطايره ودي نغرد غردها

[الشاعر ابراهيم الشيخي (صعبان)]

لاتلف ولاتدور ادريبهـــــا مــــــاني خبــــــــل
لاهيا للشمس بعد الشرق ترجع للغـــــــروب
انا لو دورتها يمكن بســــاقي لفت راضـــــي
ما احسب الفاغر ولا ياجي من الفاغــــر دها

[الأندلسي]

ماشاء الله عليكم والله ونعم فيكم الاثنين وصح لسانكم

تحيه طيبه

[الشاعر 2010]

انا مابي القارعه لو كان حتى ماتعل
قاف من صعبان مثل التمر لاظلى كسوب
والدروب اليّ على عيني نراها بالرياضي
مانويت اهيل ردماها والى ابغي سدها

[الشاعر ابراهيم الشيخي (صعبان)]

العلوم الوافيه بين الخلايق ماتعل=
ونحن فا الاسواق كم نخسر وكم نلقا كسوب=
دندن الراعد وبراقه لمع في البر ياضي=
والحضانا اللي تدرهم رزقها ما سدها=

[الشاعر 2010]

انا مدري عن صديقي هو نزل ولا رحل
ليت يتصبر على سود اليالي والكروب
خير منهُ سد نفسه في مقاماً وان تهاضي
والله المعطي وكفاً ضارعه ما ردها